toshkent.uz Toshkent.Uz - Пойтахтимизда “Кўҳна Туроннинг Шонли Ўтмиши” Деб Номланган Кўргазма Очилди
Фотогалерея
Видеогалерея
Пойтахтимизда “Кўҳна Туроннинг шонли ўтмиши” деб номланган кўргазма очилди

Ўзбекистон Бадиий академияси Тошкент Фотосуратлар уйида Ўзбекистон Республикасида хизмат кўрсатган маданият ходими, таниқли рассом Имяр Мансуровнинг “Кўҳна Туроннинг шонли ўтмиши” деб номланган кўргазмаси очилди. 

Ўзбекистон Бадиий академияси, Камолиддин Беҳзод номидаги Миллий рассомлик ва дизайн институти ва Тошкент Фотосуратлар уйи ҳамкорлигида ташкил этилган кўргазманинг очилиш тадбирида тасвирий санъат аҳли, санъатшунослар, ўқитувчилар ва талабалар иштирок этди. 

Ўзбекистон Бадиий академияси раиси А.Нуриддинов, Камолиддин Беҳзод номидаги Миллий рассомлик ва дизайн институти ректори Ҳ.Аминов, академиклар А.Мирзаев, В.Бурмакин ва бошқалар таниқли рассом И.Мансуровнинг ижодий ва педагоглик фаолияти, яратган асарларидаги услуб ва мавзулар ранг-баранглиги ёш ижодкорларга катта мактаб вазифасини ўтаётгани ҳақида сўз юритди. 

Имяр Мансуровнинг касб сирларини пухта эгаллашида Раҳим Аҳмедов, Владимир Бурмакин каби таниқли рассомлар хизмати беқиёс. Табаррук етмиш ёшни қаршилаган Имяр Мансуров бугунги кунда қизғин ижод билан бирга Камолиддин Беҳзод номидаги Миллий рассомлик ва дизайн институтида талабаларга сабоқ бермоқда. 

Имяр Мансуров кўҳна Турон маданиятини, унинг шонли ўтмиши, тарихини ўрганиб, шу мавзуда қатор асарлар яратаётир. Бугунги кўргазма унинг кўп йиллик ижод маҳсули бўлиб, уларда тарихий лавҳалар жонлангандай бўлади. Чизмалардаги мавзунинг қизиқарлилиги, сюжетнинг ҳаракатчанлиги, чизгиларнинг нозиклиги, атлас рангларнинг товланиши киши эътиборини тортади. “Кушон шаҳзодаси меҳмонлари билан овда”, “Олтин одам. Жанг”, “Кушон шаҳзодаси малика билан”, “Амир Темур”, “Афросиёб”, “Ипак йўли”, ”Ғалаба билан қайтиш”, “Тўмарис”, “Афросиёб маликаси”, “Бибихоним” каби картиналарида буюк тарихимиз ранглар, деталлар, мимикалар, ҳолатлар орқали моҳирона талқин этилган. 

– Рассом Имяр Мансуров ижодида тасвир, мусиқа ва шеърият садолари уйғунлашиб кетган, – дейди рангтасвир устаси Раҳимжон Ризомуҳамедов. – Чунки у яратган асарларни кузатсангиз, бўёқларга аралаш куй-оҳанг, унга монанд сўзлар оҳанрабосини сезасиз. Экспозициядаги суратларни бирма-бир кўриб, мен шундай ҳис-ҳаяжонни туйдим. Бу менга катта қувонч бахш этди. 

Кўргазмада рассомнинг элликдан ортиқ рангтасвир асари намойиш этилмоқда. 

Насиба Зиёдуллаева, Отабек Мирсоатов (сурат), ЎзА

10.10.2017

http://uza.uz/oz/culture/poytakhtimizda-k-na-turonning-shonli-tmishi-deb-nomlangan-k--09-10-2017



Печать 10 Октябрь 2017 Ўқилди: 798


Ўзбекистон Республикаси Президенти "Ислом ҳамжиҳатлиги: Ўзбекистон ва Озарбайжон мисолида" халқаро конференцияси иштирокчилари билан учрашди
Япония саҳна асари Ўзбекистонда
Сайтда фойдаланувчилар сони: 385
Фойдали ресурслар
Ишонч телефонларига аҳоли ва тадбиркорлар томонидан тушган мурожаатлар сони

 

 

beta(test statistika)

 

04.09.2017

ҳолати

 

Сайтга келиб тушган мурожаатлар

 

Ҳокимлигларига келиб тушган мурожаатлар

 

PM.GOV.UZ Президент порталига келиб тушган мурожаатлар

 

MY.GOV.UZ порталига келиб тушган мурожаатлар

 

Келиб тушгани мурожаатлар

 

44

 

14307

 

41573

 

14560

 

Ижродаги мурожаатлар

 

3

 

594

 

2473

 

307

 

Ижроси таъминланган мурожаатлар

 

41

 

13713

 

39100

 

14253

 

Муддати бузилган мурожаатлар

 

0

 

163

 

0

 

12

 

 

 

 

 

 

 

 

 

 

 

 

 

 

 

ИШОНЧ ТЕЛЕФОНИНИНГ РЕГЛАМЕНТИ

 

Иш тартиби:

Иш соат 09:00 - 18:00

Тушлик                                                                                                                                                                                                                                                                                                                                                                                                                                                                                                                                                                                    13:00 - 14:00

дам олиш куни Шанба ва якшанба

  • Тарихий обидалар
  • Тошкентнома
  • Маданият ва санъат
  • Тадбиркорлик
  • Тендер ва эълонлар